Putin nis hakmarrjen

Lajme Aktuale
Lajme Aktuale May 12, 2022
Updated 2022/05/12 at 6:39 PM
FILE PHOTO: Russian President Vladimir Putin attends a military parade on Victory Day, which marks the 76th anniversary of the victory over Nazi Germany in World War Two, in Red Square in central Moscow, Russia May 9, 2021. Sputnik/Mikhail Metzel/Pool via REUTERS ATTENTION EDITORS - THIS IMAGE WAS PROVIDED BY A THIRD PARTY./File Photo

Burime nga zyrtarët ukrainas pranë presidentit Volodymyr Zelensky konfirmojnë se Vladimir Putin, ashtu siç ishte paralajmëruar edhe më herët, ka nisur hakmarrjen ndaj zyrtarëve të lartë të ushtrisë së tij për dështimin me ofensivën në Ukrainë.

Sipas veteranit të inteligjencës ukrainas, Oleksiy Arestovych, “viktima” e parë e furisë së Putin është gjenerali Valery Gerasimov i cili raportohet të jetë pezulluar nga detyra, ndërkohë që një grup oficerësh janë shkarkuar nga pozicionet e tyre madje disa prej tyre dhe janë arrestuar, raporton a2news.

Gjatë një bisede me disidentin rus Mark Feygin, Arestovych u shpreh se sipas informacioneve paraprake, Gerasimov është pezulluar de-fakto dhe i janë lënë disa ditë kohë për të rregulluar gjërat.

“Komandanti i regjimentit të parë të tankeve të distriktit ushtarak perëndimor, gjeneralt Sergei Kisel gjithashtu është arrestuar dhe shkarkuar pasi kontigjenti i parë i tankeve u shkatërrua pranë Kharkivit “, shtoi Arestovych.

Dy komandantë të tjerë të ushtrisë janë shkarkuar për shkak të humbjeve të mëdha në fushën e betejës, sipas informacionit të lëshuar në një kanal Telegram të drejtuar nga ministria e brendshme ukrainase, e cila gjithashtu pretendonte se komandanti i flotës së Detit të Zi është shkarkuar dhe arrestuar dhe zëvendësadmirali i tij është vendosur nën hetim.

Arestovych theksoi se informacioni i tij është paraprak, por bazohet në faktin se Gerasimov nuk mori pjesë në paradën së Ditës së Fitores që u mbajt në Moskë.

Share this Article