118 km në orë, dënohet 500 euro

Lajme Aktuale
Lajme Aktuale June 8, 2022
Updated 2022/06/08 at 9:12 AM

Në zonën ku kufizimi i shpejtësisë është 40 km/h, identifikohet drejtuesi duke drejtuar automjetin me shpejtësi prej 118 km/h

Gjatë kontrollit të trafikut rrugor në rrugën nacionale Mitrovicë-Prishtinë përkatësisht në zonën urbane në Vushtrri, Njësia Rajonale e Trafikut në kuadër të Drejtorisë Rajonale të Policisë në Mitrovicën e Jugut, përmes radarit ka identifikuar një veturë e cila në zonën ku kufizimi i shpejtësisë është 40 km/h ishte duke zhvilluar shpejtësi prej 118 km/h.

Sipas dispozitave të Ligjit për Rregullat e Trafikut Rrugor Nr. 05/L-088, ndaj drejtuesit të automjetit është shqiptuar gjoba prej 500 euro, pesë (5) pikë negative si dhe masa mbrojtëse- një (1) vit i ndalohet drejtimi i mjetit me veprim motorik.

Share this Article