Skenderaj/Ky është rrethrrotullimi që po ndërtohet

Lajme Aktuale
Lajme Aktuale June 11, 2022
Updated 2022/06/11 at 10:59 AM

Komuna e Skenderajt ka njofuar se një tjetër premtim i kryetarit të Komunës, Fadil Nura, po bëhet realitet. “Fjala është për rrethrrotullimin në kryqëzimin e rrugëve Rezallë-Likoc-Makërmal-Ticë, ku ka nisur me intensitet puna në realizimin e këtij projekti rrugor, i cili nga banorët po vlerësohet i një rëndësie të veçantë, pasi do të lehtësojë qarkullimin e automjeteve dhe do të evitojë rrezikun e aksidenteve në atë udhëkryq.
Në kuadër të punimeve të rrugës Rezallë-Likoc janë vendosur edhe skajoret, duke e bërë këtë rrugë me standarde të larta.
Ndërkohë, Drejtoria e Urbanizmit dhe Mbrojtës së Ambientit është duke vazhduar me ritëm të lartë planin e realizimit të projekteve të reja kapitale, për të përmbushur premtimet e kryetarit Nura, për përmirësim të infrastrukturës rrugore në gjithë territorin e komunës, sistem të ujësjellësit, kanalizim, ku punimet janë duke u zhvilluar në Runik, Rezallë, Likoc si qendra më të mëdha, pa lënë anash edhe vendbanimet dhe fshatrat tjera”, thuhet në komunikatën e kësaj komune.

Share this Article