Skenderaj/Parkingu më i madh publik lëshohet në funksion

Lajme Aktuale
Lajme Aktuale July 8, 2022
Updated 2022/07/08 at 12:48 PM

Komuna e Skenderajt ka njoftuar se është lëshuar në funksion parkingu më i madh publik në komunën e Skenderajt, i cili do të mundësojë rregull më të madh në hapësira publike, pasi shumë vetura kanë shfrytëzuar për parking vende jo të përshtatshme, duke penguar edhe lëvizjen e qytetarëve.

Parkingu i qytetit që ndodhet prapa objektit të Qendrës së Kulturës “Hasan Prishtina” është me dy nivele të parkimit, dhe kapaciteti i tij është për 260 vetura.

Në njoftim thuhet se kryetari i Komunës, Fadil Nura, drejtori i Shërbimeve Publike dhe u.d. Drejtori i Ndërmarrjes Lokale Publike, Liridon Fazliu, ndërmarrje kjo që e menaxhon këtë projekt, kanë vizituar sot hapësirat e parkingut dhe kanë parë nga afër kushtet të cilat i ofron ai.

Parkingu i qytetit do të zgjidh problemin me të cilin janë përballur qytetarët dhe pronarët e veturave, në këtë kohë kur edhe bashkatdhetarët kanë mësyrë vendlindjen për pushimet verore.

Share this Article