Reperi amerikan Soulja Boy ka lënë të kuptohet se mund të kandidojë për president të Shteteve të Bashkuara në zgjedhjet e vitit 2028.
Artisti i hitit “Crank That” publikoi një mesazh në Instagram me mbishkrimin “SOULJA BOY 2028”, duke shprehur interesimin e tij për t’u angazhuar në shërbimin publik.
Soulja Boy ka theksuar se disa nga prioritetet e tij do të përfshijnë mundësitë ekonomike, reformën në drejtësinë penale, arsimin, si dhe zhvillimin e teknologjisë dhe inteligjencës artificiale.
Megjithatë, ai ende nuk e ka shpallur zyrtarisht kandidaturën dhe as nuk ka sqaruar se cilës parti politike do t’i përkiste.
Reperi nuk është i panjohur në skenën politike amerikane; ai ka performuar në aktivitetin “Crypto Ball”, që u organizua gjatë ceremonive të inaugurimit të Donald Trumpit në vitin 2025.
Tani mbetet të shohim nëse kjo deklaratë do të shndërrohet në një kandidaturë të vërtetë apo do të mbetet vetëm një njoftim në rrjetet sociale.
