Producentja Olsa Muhameti ka ndarë një fotografi në rrjetet sociale, duke treguar se përgatitjet për sezonin e ri të “Big Brother VIP Kosova” po vazhdojnë me intensitet.
Në fotografinë e publikuar, Olsa shfaqet duke biseduar me moderatorin Alaudin Hamiti, dhe ka shprehur entuziazmin e saj për fillimin e një sezoni të ri dhe të jashtëzakonshëm të këtij formati. “Ndërkohë, përgatitjet vazhdojnë… Mezi pres të nisim një tjetër sezon të jashtëzakonshëm të Big Brother VIP Kosova”, ka shkruar ajo.
Ky postim ka rikthyer vëmendjen te reality show më i komentuar në vend, dhe fansat tashmë janë të etur për të mësuar më shumë detaje mbi sezonin e ardhshëm, risitë dhe surprizat që ai do të sjellë.
Megjithatë, deri tani, nuk janë publikuar informacione të tjera lidhur me datën e nisjes apo përmbajtjen e sezonit të ri.
