Një grup të rinjsh dhe qytetarësh u mblodhën përsëri këtë të diel përpara godinës së Ministrisë së Arsimit, duke vazhduar serinë e protestave të organizuara kundër qeverisë dhe kryeministrit Edi Rama.
Aktiviteti filloi si një grumbullim përpara Ministrisë, nga ku protestuesit lanë pas një marshim drejt godinës së Kryeministrisë në bulevardin kryesor.
Tubimi i kësaj dite u zhvillua në një atmosferë të qetë, pa ndodhur incidente apo përplasje me forcat e rendit.
Si përpara Ministrisë, ashtu edhe gjatë qëndrimit para godinës së qeverisë, protestuesit rikthyen në vëmendje të njëjtat kërkesa administrative dhe politike, ku më e rëndësishmja është kërkesa për dorëheqjen e kryeministrit Rama.
Të pranishmit paralajmëruan se protestat do të vazhdojnë.
