Ministri i Jashtëm i Zvicrës, Ignazio Cassis, do të qëndrojë në Kosovë më 5 nëntor si pjesë e një vizite zyrtare në tri shtete të Ballkanit Perëndimor: Serbi, Kosovë dhe Maqedoni të Veriut.
Kjo vizitë do të zhvillohet nga 4 deri më 6 nëntor.
Sipas njoftimit të Departamentit Federal të Punëve të Jashtme të Zvicrës, publikuar më 3 nëntor, në qendër të kësaj vizite do të jenë marrëdhëniet dypalëshe, avancimi i integrimit evropian, si dhe përpjekjet për promovimin e paqes, stabilitetit dhe sigurisë në rajonin e Ballkanit Perëndimor.
Gjatë qëndrimit të tij në Prishtinë, Cassis pritet të ketë takime me presidenten e Kosovës, Justina Shiroka Pula, kryeministrin Albin Kurti dhe ministrin e Punëve të Jashtme, Glauk Konjufca.
