Deputetja e Lidhjes Demokratike të Kosovës (LDK), Hykmete Bajrami, ka bërë të ditur se do të kandidojë për postin e kryetares së partisë.
E ftuar në emisionin “Pressing”, ajo tha se është e gatshme për këtë sfidë, pavarësisht se kur do të organizohen zgjedhjet e brendshme partiake.
Bajrami theksoi se vendimi i saj për të hyrë në garë është i qartë dhe se pret me padurim procesin e zgjedhjeve brenda partisë.
Përveç saj, deputeti Arben Gashi dhe Përparim Rama gjithashtu kanë konfirmuar kandidaturat e tyre për kryetar të LDK-së.
Zgjedhjet e brendshme pritet të përcaktojnë udhëheqjen e re të kësaj partie.
