Nesër, më 07.11.2026, me rastin e festës fetare Dita e Përkujtimit të Shpirtërave, Njësia për Sigurinë e Komunikacionit Rrugor pranë SPB Shkup do të implementojë masa për një regjim të veçantë të komunikacionit, me qëllim që të sigurohet një qarkullim i sigurt dhe i pandërprerë. “Duke filluar nga ora 06:00, qarkullimi drejt varrezave të qytetit në Butel do të zhvillohet në një drejtim (në formë rrethore).
Të gjitha automjetet do të drejtohen në rrugën ‘Butelska’, majtas në rrugën ‘Aleksandar Urdarevski’, majtas në rrugën ‘Boca Ivanova’ dhe djathtas deri te hyrja e varrezave të Butelit.
Ndërsa për daljen nga varrezat, automjetet do të lëvizin djathtas në rrugën ‘Boca Ivanova’, deri te rrethrrotullimi në rrugën ‘Butelska’, pastaj majtas në rrugën ‘Butelska’ dhe djathtas në rrugën ‘Kemal Sejfulla’.” Regjim i posaçëm i komunikacionit do të vendoset edhe në varrezat e Kamnikut, Draçevës dhe Gjorçe Petrovit.
MPB u bën apel qytetarëve që të respektojnë urdhrat e dhëna nga nëpunësit policorë në rrugët ku do të zbatohet ky regjim.
