Policia e Shtetit ka përfunduar një fazë të rëndësishme të operacionit ndërkombëtar “The Wanted”, duke ekstraduar nga Barcelona e Spanjës 41-vjeçarin Arnold Jaho, i cili ishte shpallur në kërkim ndërkombëtar.
Ekstradimi është realizuar falë bashkëpunimit të ngushtë mes specialistëve të Drejtorisë së Interpolit në Shqipëri dhe homologëve të tyre në Madrid.
Sipas njoftimit të Policisë, Gjykata e Tiranës e ka dënuar Jahon në vitin 2026 me 6 vite burg për veprat penale “Pastrimi i produkteve të veprës penale ose veprimtarisë kriminale” dhe “Fshehja e të ardhurave”.
Po ashtu, në vitin 2024, ai është dënuar me një vit burg për veprën penale “Mashtrimi”.
Për më tepër, në vitin 2025, Prokuroria e Tiranës ka lëshuar ndaj tij një urdhër ndalimi për veprat penale “Heqja e paligjshme e lirisë” dhe “Mbajtja pa leje dhe prodhimi i armëve, armëve shpërthyese dhe i municionit”.
Autoritetet shqiptare theksojnë se operacioni “The Wanted” vazhdon si pjesë e bashkëpunimit ndërkombëtar për lokalizimin dhe ekstradimin e personave të shpallur në kërkim.
