Një espresso në Zvicër mund të arrijë deri në 6 franga, ku dallimet në çmime janë të dukshme nga një rajon në tjetrin.
Sipas një studimi të kompanisë këshilluese Deloitte, i publikuar nga mediumi zviceran Watson, Cyrihu është qyteti me çmimet më të larta për këtë pije, ndërsa kantoni i Tiçinos është vendi më i lirë për ta shijuar atë.
Studimi është realizuar përmes një ankete me 580 kafeteri në të gjitha rajonet e Zvicrës, dhe të dhënat tregojnë se një espresso kushton mesatarisht 4.67 franga në Cyrih, 4.40 franga në Bazel dhe 4.31 franga në Bernë.
Në Lozanë, mesatarja është 3.91 franga, ndërsa në Gjenevë ajo arrin në 3.84 franga.
