Pronarët e automjeteve në Maqedoninë e Veriut do të përballen me një gjobë prej 100 eurosh nëse nuk e paraqesin ndryshimin e numrit të telefonit ose adresës elektronike brenda tri ditëve.
Kjo është një nga detyrimet e reja që përfshihen në ndryshimet e propozuara të Ligjit për Automjetet.
Sipas propozimit, çdo ndryshim duhet të raportohët në një stacion të autorizuar për kontroll teknik.
Ndryshimet gjithashtu parashohin vendosjen e ngjitëseve elektronike në automjete, të cilat do t’i mundësojnë policisë të kontrollojë vlefshmërinë e regjistrimit, sigurimit dhe kontrollit teknik.
Për heqjen, dëmtimin ose bartjen e ngjitëses në një automjet tjetër, parashihet një gjobë prej 500 euro.
Megjithatë, është e rëndësishme të theksohet se këto ndryshime ende janë në procedurë kuvendore dhe nuk kanë hyrë në fuqi.