Regjisorja Penelope Spheeris ka bërë një deklaratë të habitshme, duke treguar se Jennifer Aniston i dha një lodër seksuale gjatë një bashkëpunimi filmik, me qëllim që ta poshtëronte para gjithë ekipit.
Spheeris, e njohur për filmat e saj të njohur si “Wayne’s World” dhe “The Beverly Hillbillies”, kishte bashkëpunuar me Anistonin në dramën e vitit 2011 “Five”.
Aniston gjithashtu kishte drejtuar këtë projekt, i cili trajton temën se si kanceri i gjirit ndikon në jetën e grave përmes pesë tregimeve të shkurtra.
Sipas Spheeris, ajo mori një dhuratë të pazakontë para ekipit, e cila e la atë të habitur.
Ajo e përshkroi incidentin në “The Moynihan Report”, ku tha: “Jennifer Aniston më dha një dildo… Ishte i mbuluar me zirkon.
As nuk mund të përdorej”.
Sipas versionit të saj, Aniston nuk ia dorëzoi personalisht dhuratën, por një asistent regjisor mblodhi ekipin për t’ia dhënë. “Në fund të xhirimeve, asistent regjisori vjen tek unë dhe më thotë: ‘Ulu në karrige’.
I gjithë ekipi mblidhet përreth dhe producentja e saj, Kristen, vjen me një kuti dekorative”, shtoi ajo.
Spheeris beson se situata ishte menduar për ta poshtëruar atë para kolegëve. “Ishte një dhuratë e ligë për të më poshtëruar para të gjithëve.
Jam e sigurt se ishte prej saj, sepse kur u nominuam për Çmimin e Shoqatës së Drejtorëve të Amerikës, ajo u shfaq me të njëjtën kuti në duar”, shpjegoi ajo.
