Këngëtarja Çiljeta Xhilaga ka shprehur reagimin e saj pas protestave të studentëve dhe përplasjeve me policinë që ndodhën ditët e fundit në Tiranë.
Në një InstaStory, ajo ka ndarë shqetësimin e saj për mbijetesën, varfërinë dhe mundësitë për një të ardhme më të mirë në Shqipëri. Çiljeta theksoi se politika duhet t’u shërbejë qytetarëve dhe se pushteti duhet të shoqërohet me përgjegjësi dhe respekt për dinjitetin njerëzor.
Ajo bëri thirrje për solidaritet, drejtësi dhe bashkëjetesë, duke argumentuar se paqja nuk mund të ekzistojë aty ku njerëzit përballen me uri, frikë dhe poshtërim.
Në fund të deklaratës së saj, këngëtarja shprehu dëshirën për të jetuar në një botë paqësore, ku njerëzit të mos urrejnë njëri-tjetrin.
