Çmimet e derivateve të naftës vazhdojnë të mbeten në nivele të larta.
Sot, në pikat e shitjes së karburanteve në Prishtinë, një litër naftë kushtonte 1 euro e 90 centë, ndërsa një litër benzinë 1 euro e 63 centë.
Po ashtu, dizeli ishte në çmimin 1 euro e 92 centë. Çmimet e naftës në Kosovë, ashtu si në shumë vende të tjera, filluan të rriten pas shpërthimit të luftës në Lindjen e Mesme në muajin shkurt 2026.
Në fillim të marsit, çmimet ishin rreth 1,15 deri në 1,25 centë, ndërsa në prill arritën në 1,89 euro për litër nafte dhe 1,46 euro për litër benzinë.
Në atë kohë, MINT vendosi një çmim tavan për karburantet për një periudhë prej tre muajsh, por ky vendim u zgjat deri në 150 ditë para se të hiqej plotësisht në fillim të shtatorit.
Në maj, çmimi maksimal për naftën ishte 1,68 euro për litër, ndërsa benzina 1,49 euro.
Ndërkohë, në fillim të korrikut, çmimi i naftës ra në 1,39 euro, dhe benzina në 1,35 euro.
Megjithatë, shtatori solli një rritje, ku çmimi i naftës varioi nga 1,95 deri në 1,97 euro për litër, ndërsa benzina u tregtua rreth 1,65 euro.
