LSDM ka bërë të ditur se ka ngritur një interpelancë ndaj ish-zëvendëskryeministrit dhe aktualisht ministër i vetëqeverisjes lokale, Ivan Stoilkoviq. “Është koha për përgjegjësi politike për një nga ekzekutorët e Vuçiqit, për agjendat kineze dhe ruse, për përhapjen e urrejtjes dhe glorifikimin e kriminelëve të luftës.” Arsyet për këtë interpelancë janë të qarta: sjellje e papranueshme dhe e papërshtatshme ndaj deputetëve, që minon dinjitetin e Kuvendit, si dhe veprime politike që bien ndesh me interesat kombëtare dhe strategjike të Maqedonisë.
Stoilkoviq nuk i shërben qytetarëve të Maqedonisë, ndërsa Hristijan Mickoski mban përgjegjësinë direkte për praninë e tij të vazhdueshme në Qeveri.
Lidhjet e tij me strukturat e inteligjencës serbe dhe aktivitetet e tij të lidhura me Rusinë ngrejnë pyetje serioze: interesat e kujt përfaqëson ai si anëtar i Qeverisë maqedonase?
Maqedonia është anëtare e NATO-s dhe ka një politikë të jashtme të përafruar me atë të Bashkimit Evropian.
Promovimi i agjendave të kundërta gjeopolitike rrezikon besimin ndërmjet aleatëve dhe dëmton interesat tona kombëtare.
Po ashtu, duhet të theksojmë çështjen e udhëtimit të tij në Kinë dhe paraqitjen e tij me delegacionin e SNS-së dhe Vuçiqit.
Interpelanca gjithashtu përfshin përmbajtje që lavdëron Ratko Mladiçin, i dënuar për gjenocid,” përfundojnë nga LSDM.
