Kryetarja e Kuvendit të Kosovës, Albulena Haxhiu, vizitoi të mërkurën familjen e Arlinda Zekajt, e cila humbi jetën në mënyrë tragjike në Vitomiricë të Pejës.
Haxhiu shprehu mbështetje për punën e Komisionit Hetimor Parlamentar, i cili është krijuar të hënën për të hetuar veprimet dhe mosveprimet institucionale lidhur me vrasjen e Zekajt, si dhe për trajtimin e rasteve të dhunës ndaj grave dhe fëmijëve në familje.
Ajo kërkoi që të gjithë zyrtarët e ftuar për të dëshmuar para komisionit të përgjigjen kërkesave dhe të bashkëpunojnë për zbardhjen e përgjegjësive institucionale.
Arlinda Zekaj u vra më 26 tetor në Vitomiricë, dhe kunati i saj është i dyshuar për këtë krim.
Para vrasjes, ajo kishte raportuar dhunën familjare dhe kishte kërkuar mbrojtje nga institucionet përkatëse.
Vrasja e saj përshkaktoi protesta në Prishtinë, ku qytetarët dhe aktivistët kërkuan drejtësi për viktimën dhe llogaridhënie nga institucionet që kishin trajtuar rastin.
Në lidhje me këtë ngjarje, 11 zyrtarë policorë janë suspenduar, ndërsa janë marrë masa edhe ndaj kryeprokurores dhe prokurores së Pejës.
Drejtori i Policisë së Kosovës, Gazmend Hoxha, gjithashtu dha dorëheqje.
