Kandidatja demokrate Alexandria Ocasio-Cortez, e njohur si AOC, ka arritur të sigurojë mandatin e pestë në Dhomën e Përfaqësuesve të Kongresit amerikan.
Ajo ka mposhtur kandidatin republikan me prejardhje shqiptare, Diamant Hysenaj, në garën zgjedhore në distriktin e 14-të të Nju Jorkut.
Sipas raportimeve nga “Washington Examiner”, Ocasio-Cortez ka pasur një fitore të thellë, duke siguruar rreth 78 për qind të votave, ndërsa Hysenaj ka arritur të marrë afërsisht 21 për qind, në një kohë kur ishin numëruar rreth 43 për qind e votave.
Me këtë rezultat, Ocasio-Cortez vazhdon të përfaqësojë qytetarët e saj në Kongres, duke u bërë një nga figurat më të njohura të Partisë Demokratike.
