Presidentja Gordana Siljanovska-Davkova ka zhvilluar një takim me eurodeputetët Dan Barna (Renew, Rumani), Tijs Reuten (SD, Holandë), Matej Tonin (PPE, Slloveni) dhe Karlo Resler (PPE, Kroaci) në Parlamentin Evropian në Bruksel.
Temat kryesore të bisedës ishin situata aktuale në procesin e integrimit evropian të Maqedonisë, sfidat që përballon politika e zgjerimit të Bashkimit Evropian, si dhe mundësitë për të tejkaluar ngërçin e gjatë në negociatat e pranimit.
Siljanovska-Davkova theksoi statusin 21-vjeçar të vendit si kandidat dhe angazhimin e tij të vazhdueshëm për integrimin evropian, të mbështetur nga reforma të rëndësishme.
Ajo gjithashtu vuri në dukje përputhjen e plotë me Politikën e Përbashkët të Jashtme dhe të Sigurisë të Bashkimit Evropian, e cila konfirmon vendosmërinë e qartë gjeopolitike dhe mbështetje të vazhdueshme për qëndrimet evropiane.
Sipas saj, vullneti politik për avancim nuk duhet të pritet vetëm nga vendet kandidate, por edhe nga vetë Bashkimi Evropian, i cili ka nevojë për zgjidhje krijuese për të kapërcyer ngërçin e gjatë, pa e vënë në dyshim identitetin kombëtar dhe kulturor maqedonas.
