Sot, më 7 dhe nesër më 8 nëntor, sistemi bankar në Maqedoni do të përballet me ndërprerje dhe kufizime në disa shërbime.
Sipas Shoqatës së Bankave të Maqedonisë, këto kufizime lidhen me përshtatjet teknike për zbatimin e standardeve të reja në sistemin e pagesave, që do të hyjnë në fuqi më 9 nëntor.
Në Bankën Ekonomike, kartelat, pagesat në POS-terminale dhe shërbimet e bankomateve do të funksionojnë pa probleme.
Ndërsa në NLB Bank, deponimi i parave në bankomate do të jetë i pamundur, por tërheqjet dhe pagesat me kartela do të vazhdojnë si zakonisht.
Nga e hëna, më 9 nëntor, fillon zbatimi i urdhërpagesave dhe kodeve të reja të pagesave, si dhe përdorimi i llogarive në formatin IBAN.
Numrat ekzistues të llogarive do të mbeten të pandryshuar.
Shoqata e Bankave u bën thirrje qytetarëve që të ndjekin njoftimet nga bankat e tyre.
