Kryeministri Edi Rama ka prezantuar sërish këtë të diel platformën e re ‘Fol me Kryeministrin’, e cila ka për qëllim krijimin e një kanali të drejtpërdrejtë komunikimi dhe dialogu me qytetarët për kërkesat, ankesat dhe shqetësimet e tyre.
Përmes një postimi në Facebook, Rama ka ndarë një pjesë nga përshkrimi i platformës, ku theksohet se ajo është e hapur për studentët, por gjithashtu për çdo qytetar që dëshiron të bëjë një pyetje, të shprehë një kritikë apo të propozojë ide. “Një hapësirë e re sociale për komunikim të drejtpërdrejtë me Kryeministrin.
Sigurisht për studentët, por e hapur për këdo që dëshiron të bëjë një pyetje, të shprehë një kritikë, të ngrejë një shqetësim apo të paraqesë një propozim,” thuhet në përshkrimin e platformës.
Dy ditë më parë, kryeministri kishte dhënë më shumë detaje për funksionimin e këtij mekanizmi, duke theksuar se aplikacioni ‘Fol me Kryeministrin’ do të shërbejë si një urë komunikimi 24 orë në ditë mes qytetarëve dhe institucionit të Kryeministrit.
