Dy persona nga Velesi janë arrestuar nga policia pas gjetjes dhe sekuestrimit të marihuanës, tabletave dhe një peshores digjitale.
Sipas informacioneve nga policia, ngjarja ka ndodhur më 6 nëntor 2026, rreth orës 22:30, në Veles.
Zyrtarët e SPB-së Veles kanë ndaluar D.T. (36) dhe J.A. (26), të dy banorë të këtij qyteti.
Gjatë kontrollit të bërë afër tyre, janë gjetur dhe sekuestruar marihuanë, tableta dhe një peshore digjitale, të cilat dyshohet se i kishte lënë njëri prej tyre.
Në vazhdim, më 7 nëntor, me urdhër të Gjykatës Themelore në Veles, policia ka bërë një bastisje në shtëpinë e D.T., ku janë gjetur edhe para të gatshme.
Të dy personat janë mbajtur në stacionin policor dhe për rastin është njoftuar prokurori publik.
Policia njoftoi se pas përfundimit të dokumentimit të rastit, do të paraqitet kallëzimi përkatës.
