Një aksident fatal ka ndodhur mbrëmjen e së dielës në qytetin e Durrësit, ku një këmbësor 81-vjeçar ka humbur jetën pas përplasjes me një automjet.
Sipas informacioneve të para nga Policia, rreth orës 19:12, në lagjen nr. 14, një automjet, i drejtuar nga shtetasja K.
Gj., 26 vjeçe, ka aksidentuar këmbësorin B.
Z., 81-vjeç.
Pasi ka marrë dëmtime të rënda nga përplasja, i moshuari nuk ka mundur t’i mbijetojë plagëve dhe ka ndërruar jetë.
Pas ngjarjes, drejtuesja e automjetit është shoqëruar në ambientet e Policisë, ku po kryhen veprimet procedurale dhe hetimore për zbardhjen e plotë të rrethanave të aksidentit.
Grupi hetimor, nën drejtimin e Prokurorisë, po vazhdon punën për dokumentimin e ngjarjes dhe përcaktimin e shkaqeve që çuan në këtë aksident tragjik.
