Spitali modular në Kumanovë do të ripërdoret për nevojat e Departamentit të Mjekësisë Fizike dhe Rehabilitimit në Spitalin e Përgjithshëm të Kumanovës.
Transferimi i këtij departamenti në këtë objekt pritet të sjellë përmirësime në kushtet e punës dhe trajtimin e pacientëve, duke zvogëluar gjithashtu listën e pritjes për fizioterapi.
Drejtori i Spitalit të Përgjithshëm të Kumanovës, Sasho Stosevski, bëri të ditur se është kërkuar leje përdorimi për objektin në Ministrinë e Shëndetësisë, e cila, sipas tij, ndodhet në gjendje të shkëlqyer. “Ne kemi paraqitur kërkesë në Ministrinë e Shëndetësisë.
Ju keni parë që spitali modular është në gjendje të shkëlqyer dhe presim të marrim një leje përdorimi për objektin.
Departamenti i Fizioterapisë do të transferohet këtu.
Plani është që ai të funksionojë në dy turne, gjë që do të zvogëlojë listën e pritjes së pacientëve që presin për trajtime fizike”, tha Stosevski.
Zhvendosja e departamentit dhe organizimi i punës në dy turne pritet të rrisë disponueshmërinë e shërbimeve të mjekësisë fizike dhe rehabilitimit për pacientët nga Kumanova dhe rajoni.
Departamenti i mjekësisë fizikale ka rreth njëzet punonjës të angazhuar.
