Një i mitur ka rënë pre e një sulmi fizik në oborrin e shkollës fillore në fshatin Banjicë e Poshtme, në rajonin e Gostivarit.
Babai i të miturit, I.B. (33), e ka denoncuar rastin në polici më 11 nëntor, rreth orës 19:00.
Sipas denoncimit, ngjarja ka ndodhur rreth orës 15:30, kur djali i tij është sulmuar nga një person, i cili ndodhej me disa të tjerë.
Një fakt shqetësues është se sulmi është filmuar me telefon celular dhe pamjet janë publikuar në një rrjet social.
Policia ka njoftuar se po ndërmerren masa për zbardhjen dhe dokumentimin e plotë të rastit.
