Ministrja e Mjedisit dhe Planifikimit Hapësinor, Fitore Pacolli, ka zhvilluar një takim me ministrin e Bujqësisë së Turqisë, İbrahim Yumaklı, për të diskutuar mundësitë e bashkëpunimit në menaxhimin e ujërave, ndërtimin e digave dhe mbrojtjen e lumenjve.
Në një postim në Facebook, Pacolli ka theksuar rëndësinë e përvojës së Turqisë për projektet që planifikohen të realizohen në Kosovë. “Përvoja e Turqisë është një vlerë e rëndësishme për projektet që po planifikojmë në Kosovë.
Synimi ynë është të sigurojmë më shumë ujë dhe menaxhim më të qëndrueshëm të burimeve ujore,” ka shkruar Pacolli.
Ajo gjithashtu ka falënderuar ministrin turk për gatishmërinë e tij për të ofruar ndihmë.
