Erërat e forta që përfshinë mbrëmjen e sotme territorin e Ferizajt, duke përfshirë rrugët magjistrale, kanë shkaktuar dëme të konsiderueshme në biznese, ndërtesa publike dhe automjete.
Sipas njoftimeve, një person ka pësuar lëndime në Ferizaj.
Kështu raporton Policia e Kosovës në një njoftim të publikuar të enjten në orët e vona.
Policia Rajonale e Ferizajt kishte apeluar te të gjithë qytetarët që të shmangin daljet dhe lëvizjet e panevojshme, për të parandaluar rreziqet e mundshme nga kjo situatë.
Ndërkohë, si pasojë e erërave të forta, janë shkaktuar dëme dhe avari edhe në infrastrukturën energjetike.
KEDS-i mbrëmë njoftoi se, me kërkesë të Policisë së Kosovës, energjia elektrike në Ferizaj është ndërprerë.