Ambasada e Shteteve të Bashkuara në Tiranë ka shprehur mbështetje të fortë për vazhdimin e projektit hidroenergjetik të Skavicës, duke e konsideruar atë si një investim strategjik për sigurinë energjetike të Shqipërisë dhe të gjithë rajonit të Ballkanit Perëndimor.
Nëpërmjet një reagimi publik, Ambasada Amerikane ka vlerësuar angazhimin e Shqipërisë për realizimin e këtij projekti, i cili ka për qëllim të kontribuojë në sigurimin e një furnizimi të qëndrueshëm me energji elektrike për qytetarët shqiptarë.
Sipas përfaqësisë diplomatike amerikane, përveç rëndësisë për sigurinë energjetike, Skavica pritet të sjellë mundësi të reja për investime dhe bashkëpunim ekonomik, veçanërisht për kompanitë dhe punonjësit amerikanë.