Një fazë tjetër e operacionit ‘The Wanted’ ka përfunduar me sukses.
Në kuadër të bashkëpunimit me homologët e saj, specialistët e Interpol Tiranës realizuan ekstradimin e shtetasit A.
Gj., 29 vjeç, nga Frankfurti, Gjermani, drejt vendit tonë.
Ai është lindur dhe banon në Mat.
Ky shtetas ishte shpallur në kërkim ndërkombëtar, pasi Gjykata e Posaçme e Shkallës së Parë për Korrupsionin dhe Krimin e Organizuar, në maj të vitit 2024, i kishte caktuar masën e sigurisë ‘Arrest në burg’.
Kjo masë u vendos për veprat penale ‘Sigurimi i kushteve dhe i mjeteve materiale për të kryer vrasje’, kryer në formën e veçantë të bashkëpunimit, në kuadër të grupit të strukturuar kriminal, si dhe për ‘Kryerja e veprave penale nga organizata kriminale dhe grupi i strukturuar kriminal’.
