Adelina Berisha nga Rrjeti i Grave të Kosovës, gjatë protestës në Prishtinë për drejtësi për Arlinda Zekajn, e cila u vra nga kunati i saj, theksoi nevojën për llogaridhënie nga qendrat për punë sociale, të cilat kanë përgjegjësi të qartë në mbrojtjen e grave dhe fëmijëve.
Ajo theksoi se kërkohet jo vetëm rritja e numrit të punëtorëve socialë, por gjithashtu investime serioze në ngritjen e kapaciteteve profesionale të tyre. “Ata janë menaxher të rasteve të dhunës ndaj grave dhe duhet të dinë ta vlerësojnë rrezikun, ta planifikojnë sigurinë dhe ta koordinojnë mbrojtjen…”, tha ajo.
Ajo vazhdoi duke theksuar se një grua nuk mund të largohet nga dhuna vetëm me guxim. “Sepse një grua nuk mund të largohet nga dhuna vetëm me guxim.
Nuk mund të mbrohet vetëm me një numër telefoni.
Ajo ka nevojë për shërbime sociale, psikologjike, ligjore dhe ekonomike.
Ka nevojë për profesionistë të përgatitur dhe institucione që veprojnë në kohë.”
