Presidentja e Republikës së Kosovës, Justina Shiroka Pula, ka nderuar 14 ushtarët britanikë që humbën jetën gjatë shërbimit të tyre në Kosovë, si pjesë e misionit paqeruajtës të NATO-s, KFOR.
Homazhet janë mbajtur në kuadër të Ditës së Përkujtimit të Mbretërisë së Bashkuar, gjatë një ceremonie ku ishin të pranishëm përfaqësues të lartë të institucioneve të Kosovës dhe të pranisë ndërkombëtare në vend.
Presidentja Shiroka Pula, e cila ishte e pranishme së bashku me ambasadorin e Mbretërisë së Bashkuar në Kosovë, Jonathan Hargreaves, përfaqësues të korit diplomatik, komandantin e KFOR-it, gjeneralmajor Roberto Vergori, ministrin e Mbrojtjes, Ejup Maqedonci, dhe komandantin e FSK-së, gjenerallejtënant Bashkim Jashari, theksoi rëndësinë e këtij nderimi.
Gjatë ceremonisë, presidentja shprehu mirënjohjen e thellë për kontributin dhe sakrificën e ushtarëve britanikë, të cilët humbën jetën gjatë shërbimit në Kosovë.
Ajo nënvizoi se Kosova do ta kujtojë gjithmonë mbështetjen e Mbretërisë së Bashkuar dhe përkushtimin e ushtarëve të saj në shërbim të paqes dhe sigurisë së vendit.
