Policia ka vendosur 31 masa administrative ndaj individëve që bllokuan rrugën dhe penguan qarkullimin e automjeteve gjatë tubimit që u zhvillua pasditen e djeshme në bulevardin “Dëshmorët e Kombit” në Tiranë.
Sipas njoftimit zyrtar të Policisë, për çdo kundërvajtes është vendosur gjobë prej 5 mijë lekësh, në përputhje me Aktin Normativ nr. 5, datë 28.10.2026.
Autoritetet njoftojnë se këto masa janë marrë pasi protestuesit kanë bllokuar qarkullimin e mjeteve të transportit, pavarësisht thirrjeve të vazhdueshme të punonjësve të Policisë për lirimin e rrugës me anë të megafonit.
Po ashtu, dy persona të tjerë, të identifikuar me inicialet D.
G. dhe E.
L., janë proceduar penalisht për mosbindje ndaj urdhrit të punonjësve të Policisë.
Sipas njoftimit, ata nuk iu janë bindur kërkesave për të paraqitur dokumentet e identifikimit gjatë tubimit.
Materialet procedurale për këto dy raste janë referuar Prokurorisë për veprime të mëtejshme.
