Sot, Kuvendi i Kosovës do të organizojë dy seanca plenare.
Njëra seancë është vazhdim i seancës së kaluar, ku në rend dite do të diskutohet Ligji për Specialen.
Ndërkaq, seanca tjetër do të fokusohet në Projektligjin për Buxhetin.
Vazhdimi i Seancës plenare do të nisë në orën 10:00, ku do të votohet Propozim Rezoluta nga Interpelanca me ministrin e Ministrisë së Shëndetësisë, z.
Arben Vitia, lidhur me rastin e vdekjes së një pacienteje me kancer të gjirit, e cila mbeti katër muaj pa terapi, si dhe për mungesën e barnave onkologjike.
Gjithashtu, do të votohet Propozim Rezoluta nga mocioni për gjendjen në planifikimin, çmimin dhe furnizimin me energji elektrike në Kosovë.
Në rendin e ditës është edhe rishqyrtimi i Ligjit nr. 11/L-001 për ndryshimin dhe plotësimin e Ligjit nr. 05/L-053 për Dhomat e Specializuara dhe Zyrën e Prokurorit të Specializuar, të rikthyer nga Presidentja e Republikës së Kosovës.
Pikat e tjera të rendit të ditës përfshijnë: 1.
Miratimin e procesverbalit nga seanca e mëparshme; 2.
Deklarime jashtë rendit të ditës; 3.
Shqyrtimi i parë i Projektligjit nr. 11/L-028 mbi ndarjet buxhetore për Buxhetin e Republikës së Kosovës për vitin 2027; 4.
Shqyrtimi i parë i Projektligjit nr. 11/L-020 për Efiçiencë të energjisë; 5.
Shqyrtimi i parë i Projektligjit nr. 11/L-023 për Inspektoratin Qendror të Trashëgimisë Kulturore; 6.
Procedimi i nismave legjislative të qytetarëve për hartimin e projektligjeve nga Kuvendi i Republikës së Kosovës; 7.
Emërimi i anëtarëve të Këshillit Kombëtar të Shkencës; 8.
Zgjedhja e dy (2) anëtarëve nga komuniteti shqiptar, një (1) anëtar nga komuniteti serb dhe një (1) anëtar nga komunitetet jo shumicë në Bordin e Radiotelevizionit të Kosovës; 9.
Rekomandimi i Komisionit për Administratë Publike, Digjitalizim, Pushtet Lokal, Media dhe Zhvillim Rajonal për shkarkimin e katër (4) anëtarëve të Këshillit të Pavarur Mbikëqyrës për Shërbimin Civil të Kosovës.