Kryetari i Partisë GUXO, Faton Peci, ka bërë një deklaratë shqetësuese, duke thënë se Donika Gërvalla i ka treguar se emri i Behgjet Pacollit është i pranishëm në dosjen gjermane që lidhet me vrasjen e veprimtarit shqiptar, Jusuf Gërvalla.
Peci e shprehu këtë informacion gjatë paraqitjes së tij në emisionin “Kontext” në ATV, duke ngritur pretendime për përmbajtjen e dokumenteve që kanë të bëjnë me hetimet mbi vrasjen e Gërvallës në Gjermani.
Vrasja e Jusuf Gërvallës, njërit prej veprimtarëve më të njohur të çështjes kombëtare shqiptare, vazhdon të mbetet një nga ngjarjet më të rënda në historinë politike shqiptare.
