Anu Prattipati, e ngarkuara me punë e Ambasadës së Shteteve të Bashkuara të Amerikës në Kosovë, ka pasur një takim me Glauk Konjufcën, zëvendëskryeministrin e parë dhe ministrin e Punëve të Jashtme dhe Diasporës.
Gjatë këtij takimi, palët kanë diskutuar për prioritetet kryesore të partneritetit mes Kosovës dhe SHBA-së, si dhe për mundësitë e thellimit të bashkëpunimit diplomatik.
Një pjesë e rëndësishme e bisedës ishte edhe avancimi i interesave të përbashkëta në diplomacinë ekonomike, stabilitetin rajonal dhe sigurinë.
