Banka Popullore njofton qytetarët që kanë llogari pagese në ALTA Banka AD Bitola, por nuk disponojnë kartela pagese, se nga e enjtja, 5 nëntor 2026, do të fillojnë tërheqjet nga sportelet në degën kryesore të bankës në Manastir.
Për këtë qëllim, banka do të hapë disa sportele në adresën rruga “Dobrivoje Radosavljeviç” nr. 21 në Manastir. “Pagesa do të jetë në dispozicion të qytetarëve, veçanërisht të pensionistëve dhe përfituesve të ndihmës sociale, të cilët marrin fonde përmes llogarive në bankë, por nuk kanë kartela pagese.
Qytetarët do të kenë mundësi të tërheqin deri në 20,000 denarë, që është shuma maksimale e lejuar për tërheqje në një periudhë dyjavore.” “Nga 6 nëntori, përfshirë të shtunën, 7 nëntor, dega do të funksionojë në dy ndërrime, me qëllim që t’u shërbejë sa më shumë klientëve të jetë e mundur.
Pagesa do të bëhet gjatë disa ditëve sipas një orari, për të cilin qytetarët do të njoftohen me SMS, duke treguar ditën dhe orën kur duhet të vijnë në filialë.
U kërkojmë qytetarëve që t’i përmbahen termineve të marra dhe të mos vijnë në filialë në ditët kur nuk janë telefonuar dhe para orarit për të cilin janë telefonuar në ditën specifike, me qëllim që të shmangen turmat dhe pritjet më të gjata,” thonë nga Banka Popullore.
Për ata që nuk do të jenë në gjendje të vijnë në orarin e caktuar, do të sigurohen termine shtesë. “Sportelet do të jenë të destinuara ekskluzivisht për tërheqje parash dhe nuk do të kryhen lloje të tjera transaksionesh.
Po bëhen përgatitje për hapjen e sporteleve për pensionistët dhe përfituesit e ndihmës sociale në qytete të tjera të vendit, për të cilat Banka Popullore do të njoftojë së shpejti,” thonë nga Banka Popullore.
