Dy shtetas shqiptarë, njëri 23 dhe tjetri 28 vjeç, janë arrestuar në Itali pasi policia ka zbuluar mbi dy kilogramë kokainë të fshehur në një hapësirë të veçantë të automjetit me të cilin udhëtonin.
Sipas raportimeve nga media italiane Teleromanga, kontrolli është realizuar nga Policia e Shtetit në zonën e Bolonjës.
Automjeti, i cili kishte origjinën nga Valsamoggia dhe ishte në pronësi të një gruaje nga provincia e Sienës, tërhoqi vëmendjen e efektivëve për shkak të sjelljes së dy personave që ndodheshin në të.
