Janë zbardhur detaje të reja lidhur me shpërthimin e fuqishëm që ndodhi këtë të mërkurë në Elbasan.
Si pasojë e këtij shpërthimi, ka humbur jetën një grua e moshuar, 83-vjeçare.
Gazetarja e Euronews Albania, Edlira Xherri, thekson se 8 persona të tjerë kanë marrë ndihmën e parë dhe janë transportuar në spital për shkak të asfiksisë nga tymi.
Dyshohet se shkaku i shpërthimit është një bombul gazi, e cila ka shkaktuar dëme strukturore në shkallët dhe muret e pallatit.
Forcat e zjarrfikëses, policia dhe ekipet e emergjencës mjekësore vazhdojnë të jenë në terren për të menaxhuar situatën, duke evakuuar banorët e mbetur dhe për të zbardhur shkaqet e plota të kësaj ngjarjeje.
