Gjatë 24 orëve të fundit, dhjetë shoferë janë privuar nga liria në lokacione të ndryshme të vendit, sipas njoftimit nga Ministria e Punëve të Brendshme. ‘Nëpunës policorë kanë privuar nga liria 10 shoferë për shkak të kryerjes së veprës penale „drejtim i pakujdesshëm i automjetit motorik“, sipas nenit 297-a të Kodit Penal’, thonë nga MPB.
Sipas MPB-së, shtatë prej tyre kanë drejtuar automjete pa dhënë provimin e vozitjes, ndërsa tre të tjerë kanë qenë në timon pavarësisht ndalesës aktive për drejtim.
Në mesin e të arrestuarve janë edhe dy të mitur, të moshës 15 dhe 16 vjeç.
Njëri nga shoferët është kapur duke drejtuar edhe nën ndikimin e alkoolit.
Për këto raste do të parashtrohen kallëzime përkatëse penale.
