Kalaja e Gjirokastrës ka arritur të mirëpritet nga 300 mijë vizitorë, si vendas ashtu edhe të huaj, gjatë periudhës janar–tetor 2026.
Kjo shënon një rritje prej 6,5% krahasuar me të njëjtën periudhë të vitit 2025.
Ministri i Turizmit, Kulturës dhe Sportit, Blendi Gonxhja, ndau statistikat e fundit mbi numrin e vizitorëve dhe theksoi se, përveç rritjes së numrit të vizitorëve, ky monument ka regjistruar gjithashtu një rritje prej 10,5% të të ardhurave krahasuar me të njëjtën periudhë të vitit të kaluar. “Gjatë periudhës janar–tetor 2026, plot 300 mijë vizitorë vendas dhe të huaj kanë zbuluar madhështinë, historinë dhe trashëgiminë e këtij monumenti ikonik.
Një sukses që shënon 6,5% më shumë vizitorë dhe 10,5% më shumë të ardhura krahasuar me të njëjtën periudhë të vitit të kaluar”, shprehu Gonxhja.
Kalaja e Gjirokastrës është një nga monumentet më të rëndësishme të trashëgimisë historike dhe kulturore në vend, si dhe një prej pikave kryesore për turistët vendas dhe të huaj në qytetin e gurtë.
Brenda ambientet e kalasë ndodhet edhe Muzeu Kombëtar i Armëve, i hapur në vitin 1971, ku ekspozohen armë të periudhave të ndryshme historike.
Ajo është ndërtuar mbi një kodër të lartë, rreth 370 m mbi nivelin e detit, duke ofruar një pamje të shkëlqyer.
Interesi për Gjirokastrën po rritet çdo vit, duke e kthyer qytetin në një nga atraksionet më të rëndësishme të turizmit kulturor shqiptar.
