Ministria e Punëve të Brendshme (MPB) njofton për një aksident trafiku që ka ndodhur në Shkup, ku një person ka pësuar lëndime. “Më 09.11.2026, rreth orës 09:10, SPB Shkup është njoftuar se në kryqëzimin e rrugëve ‘Boris Trajkovski’ dhe ‘Sasa’ në Shkup ka ndodhur një aksident rrugor ndërmjet një automjeti udhëtarësh ‘Mercedes’ me targa të Shkupit, i drejtuar nga S.T. (33) nga Shkupi dhe një automjeti udhëtarësh ‘Zastava’ me targa të Shkupit, i drejtuar nga V.K. (79) nga Shkupi.
Në aksident, bashkudhëtarja në automjetin ‘Zastava’, R.K. (76) nga Shkupi, ka marrë lëndime të rënda trupore, të cilat janë konstatuar në Kompleksin e Klinikave ‘Nënë Tereza’ në Shkup.”
