DPHM njofton se nesër moti do të karakterizohet nga vranësira dhe reshje të herëpashershme lokale, me erëra të lehta deri në mesatare, ndërsa herë pas here do të ketë erëra të forta nga veriu përgjatë Vardarit.
Sipas parashikimeve, edhe të dielën, në orët e pasdites pritet të kemi reshje të herëpashershme shiu. “Nga fillimi i javës së ardhshme, moti do të jetë i ndryshueshëm me vranësira dhe periudha me diell, përveç në mesin e javës kur parashikohen reshje më të dendura shiu, veçanërisht në pjesët perëndimore.
Do të fryjë erë mesatare, herë pas here e fortë nga jugu,” njofton DPHM.
Nesër, temperaturat e mëngjesit do të variojnë nga 8 deri në 13 gradë, ndërsa ato të ditës do të jenë nga 10 deri në 19 gradë.
Në Shkup, do të mbajë mot i ndryshueshëm me vranësira dhe periudha me diell, si dhe erëra mesatare deri të forta nga veriu.
Temperatura do të jetë nga 10 deri në 13 gradë.
Të dielën, temperatura maksimale do të arrijë deri në 13 gradë, të hënën do të jetë 15 dhe të martën 18 gradë.
