Paralajmërimi për Erëra të Forta dhe Rëndësia e Sigurisë në Punë

Instituti Hidrometeorologjik i Kosovës (IHMK) ka bërë të ditur se më 19.11.2026 priten erëra të forta me shpejtësi prej 30 deri në 45 kilometra në orë.

Në këtë kontekst, Inspektorati Qendror i Punës (IQP) u bën thirrje punëdhënësve që të ndërmarrin masa të rritura për mbrojtjen e sigurisë dhe shëndetit të punëtorëve në vendin e punës. “Vëmendje e veçantë kërkohet në sektorin e ndërtimtarisë dhe në të gjitha veprimtaritë që zhvillohen në ambiente të hapura, veçanërisht gjatë punëve në lartësi, në skela, kulme dhe hapësira të ekspozuara ndaj ndikimit të erërave”, thuhet në njoftim.

IQP-ja u bëri thirrje punëdhënësve që të mos lejojnë zhvillimin e aktiviteteve të punës kur kushtet atmosferike paraqesin rrezik për punëtorët.

Siguria dhe shëndeti i punëtorëve, sipas IQP-së, duhet të mbeten prioritet në çdo rrethanë.

Leave a Reply

Your email address will not be published. Required fields are marked *