Inspektorati i Mjedisit ka zhvilluar të enjten një aksion në zonën e lumit Drini i Bardhë, ku janë evidentuar disa operatorë ekonomikë të dyshuar për eksploatim të kundërligjshëm të zhavorit.
Gjatë këtij aksioni, janë sekuestruar gjashtë ekskavatorë në komunat e Prizrenit, Pejës dhe Rahovecit.
Ministrja e Mjedisit, Fitore Pacolli, njoftoi se ky aksion është realizuar në bashkëpunim me Policinë e Kosovës, ndërsa të gjitha mjetet janë shoqëruar me shirita zyrtarë për ndalimin e punimeve.
Pacolli theksoi se institucionet do të ndërmarrin masa ndaj çdo veprimtarie që dëmton pasuritë natyrore. “Lumenjtë tanë nuk janë pronë e askujt për t’i shfrytëzuar kundërligjshëm. Çdo shkelje do të trajtohet me seriozitet dhe çdo veprim që dëmton pasuritë tona natyrore do të përballet me ligjin,” shkroi ajo në një postim.
