LSDM vazhdon të akuzojë Hristijan Mickoskin lidhur me çështjen e Alta Bankës.
Ata theksojnë se “sa më shumë pyetje të lindin rreth përgjegjësisë për Alta Bank, aq më shumë e mbron atë në panik Hristijan Mickoski”. “Nga çfarë ka më shumë frikë Mickoski?
Nga e vërteta. Çfarë do të zbulojnë dokumentet lidhur me hyrjen e Alta Bank në Maqedoni, duke zbuluar origjinën e kapitalit, transaksioneve dhe llogarive, dhe duke konfirmuar lidhjet e saj me kartelin kriminal të Vuçiçit.
Mickoski dhe Trajko Slaveski ishin ata që sollën Alta Bank në Maqedoni, dhe me këtë pastrimin e parave të Vuçiçit”. “Slaveski pranoi publikisht se e mori vendimin pas konsultimit me Mickoskin.
Në Serbi ka një hetim, Alta Bank është falimentuar, pronari i saj është ndaluar, dhe 380 milionë euro po hetohen.
Madje ka dyshime për shtypje parash.
Në Maqedoni, qytetarët nuk mund të kenë qasje në paratë e tyre, dhe Mickoski e Slaveski po përpiqen ta mbulojnë skandalin për të shpëtuar veten nga përgjegjësia”. “Prokurori Nenad Saveski duhet të thyejë heshtjen e tij dhe të veprojë menjëherë mbi akuzat penale të ngritura nga LSDM.
Guvernatori Trajko Slaveski ka përgjegjësi të drejtpërdrejtë.
Ekzistojnë dyshime të forta për punë të pakujdesshme në shërbim dhe abuzim të pozicionit dhe autoritetit zyrtar në miratimin e marrëveshjes për marrjen në dorëzim të bankës dhe kryerjen e mbikëqyrjes”. “Pse nuk u realizuan kontrollet e nevojshme ndaj pronarit Davor Macura, për origjinën e kapitalit për të cilin ka informacione se është nga krimi dhe droga?
Pse nuk u llogaritën rreziqet?
Saveski duhet të marrë masa paraprake, duke përfshirë një ndalim të përkohshëm për Trajko Slaveskin nga kryerja e detyrave të tij, me qëllim parandalimin e ndikimit te dëshmitarët dhe shkatërrimin e dokumentacionit dhe provave.
Prokuroria duhet të tregojë se punon në mënyrë të pavarur dhe sipas ligjit”, thonë nga LSDM.
