Banka Popullore ka nisur përgatitjet për një zgjidhje të veçantë për rreth 3.500 pensionistë që marrin pensionet e tyre përmes ALTA Banka SHA Manastir, por që nuk disponojnë me karta pagese.
Aktualisht, po shqyrtohet mundësia e tërheqjes së një shumë njëherësh deri në 20.000 denarë në sportel, për t’i lehtësuar ata në aksesin e fondeve të tyre.
Njëkohësisht, janë në proces zgjidhjeje edhe për kompanitë që kanë fonde në bankë dhe duhet të paguajnë paga dhe të shlyejnë detyrimet tatimore e kontributeve, siç njoftoi Guvernatori i Bankës Popullore, Trajko Sllaveski, në një intervistë për “Top Top” në TV “Telma”.
Banka Popullore ka reaguar në kohën e duhur duke vendosur administrim të përkohshëm në ALTA Banka AD Bitola, si një masë mbrojtëse për një periudhë deri në tre muaj, në përputhje me rregulloret ligjore.
Ekipi i Bankës Popullore, i cili është i pranishëm në bankë, po monitoron vazhdimisht situatën dhe funksionimin e shërbimeve bankare, përfshirë bankomatet.
Një vëmendje e veçantë po i kushtohet gjetjes së zgjidhjeve të përshtatshme për qytetarët që nuk kanë karta pagese. “Nga gjithsej 11.500 pensionistë që marrin pensione përmes Bankës, rreth 3.500 nuk kanë karta pagese.
Po përgatisim një zgjidhje të veçantë për pagesat në sportel për ta.
Qëllimi është t’u sigurojmë atyre qasje më të lehtë në fondet e tyre, dhe publiku do të informohet sapo të përcaktohen të gjitha detajet e nevojshme”, theksoi Guvernatori Sllaveski.
Në këtë drejtim, po shqyrtohet edhe mundësia që, ekskluzivisht për pensionistët pa karta pagese, të mundësohet një tërheqje e vetme deri në 20.000 denarë, me qëllim që të shmangen vizitat e shumëfishta në sportele dhe të lehtësohet disponimi i tyre me fondet.
