Reperi amerikan Sean “Diddy” Combs, dyshohet se është përfshirë në një përleshje fizike me një të burgosur tjetër, Christopher Coke, i njohur me nofkën “Dudus”, duke pësuar lëndim në kokë.
Sipas raportimeve, incidenti ka ndodhur të premten, më 9 tetor, në burgun federal FCI Fort Dix, në New Jersey të Shteteve të Bashkuara.
Burime brenda burgut thonë se përplasja dyshohet të ketë nisur pasi disa të burgosur të tjerë ishin të pakënaqur me trajtimin dhe privilegjet që Diddy kishte gjatë qëndrimit të tij prapa grilave.
Pas shqetësimeve për kushtet e tij në burg, autoritetet kishin bërë kontroll dhe kishin konfiskuar disa telefona celularë nga të burgosurit, përfshirë një telefon të atribuuar Coke.
Pas përleshjes, Diddy dyshohet se ka pësuar lëndim në kokë dhe është dërguar me ambulancë në një spital për trajtim.
Raportet e mediave amerikane tregojnë se lëndimi nuk ishte kërcënues për jetën, dhe reperi është kthyer në burg mëngjesin e së shtunës.
Për më tepër, të dy të burgosurit janë vendosur në një njësitë e izolimit për dy javë si masë disiplinore.
Megjithatë, rrethanat e plota të incidentit nuk janë konfirmuar në mënyrë të pavarur.
Diddy aktualisht po vuante një dënim prej 50 muajsh burgim, pas dënimit për dy akuza që lidhen me transportimin e personave me qëllim përfshirjen në prostitucion.
Ndërkaq, Christopher Coke, i njohur si “Dudus”, ka marrë një dënim prej 23 vjetësh në një çështje që lidhet me krimin e organizuar.
