Në Maqedoni, moti pritet të jetë i ndryshueshëm me vranësira dhe periudha të shkurtra me diell.
Pasdite dhe gjatë natës, në pjesët perëndimore do të ketë kushte për reshje lokale shiu, ndërsa në malet më të larta priten reshje të lehta bore.
Sipas parashikimeve nga Qendra Kombëtare Meteorologjike, do të fryjë erë e lehtë deri mesatare nga juglindja.
Në Shkup, mëngjesi do të jetë kryesisht me diell, ndërsa në mbrëmje do të ketë kushte për reshje lokale shiu.
Erëra do të fryjnë nga drejtimi i ndryshueshëm, me temperatura ditore që pritet të arrijnë rreth 12 gradë.
Moti i ndryshueshëm do të vazhdojë edhe në fillim të javës së ardhshme.
Të hënën, në Shkup pritet mot me vranësira dhe reshje të herëpashershme, me temperaturë maksimale rreth 12 gradë, ndërsa të martën do të ketë kryesisht vranësira, me temperatura ditore deri në 13 gradë.
