Përfaqësuesi Special i Sekretarit të Përgjithshëm të OKB-së dhe shefi i UNMIK-ut, Peter Due, ka shprehur shqetësimin e Bashkimit Evropian lidhur me ndryshimet në Ligjin për Gjykatën Speciale, duke theksuar rëndësinë e respektimit të integritetit dhe pavarësisë së gjyqësorit.
Ai ka kritikuar Policinë e Kosovës për mungesën e informacionit gjatë protestave që ndodhën pas vendimit të Gjykatës Speciale më 16 shtator, duke kërkuar gjithashtu përgjegjësi për sulmin në Banjskë dhe kanalin e Ibër-Lepencit.
Duke folur në mbledhjen e Këshillit të Sigurimit të OKB-së, Due theksoi se pas aktgjykimit ndaj Hashim Thaçit dhe tre ish-komandantëve të tjerë, u organizuan demonstrata të shumta, shumica e të cilave mbetën paqësore.
Ai vlerësoi se Policia e Kosovës kishte vepruar në mënyrë paqësore gjatë 21 ditëve të protestave, por shprehu shqetësim për mungesën e ndarjes së informacionit me Kombet e Bashkuara. “Pas periudhës së 16 shtatorit, aktgjykimi i Dhomave të Specializuara dënoi Thaçin dhe tre ish-komandantë për krime lufte, por jo për krime kundër njerëzimit.
Demonstratat gjetiu pasuan këtë aktgjykim, shumica prej të cilave mbetën paqësore.
Përgjithësisht, Policia e Kosovës është sjellë në mënyrë paqësore gjatë këtyre 21 ditëve të protestave.
Koordinimi dhe ndarja e informatave me Kombet e Bashkuara ishte joadekuate, por jo edhe me vendet ndërkombëtare.
E riktheksojmë brengosena e BE-së…
Të pandehurit kanë të drejtën e apelit… integriteti dhe pavarësinë e procedurave gjyqësore duhet të respektohen, dhe çdo veprim legjislativ duhet të jetë në përputhje me obligimet ligjore dhe ndërkombëtare të Kosovës,” shpalli Due.
Ai gjithashtu njoftoi se një aktgjykim tjetër për administrimin e drejtësisë është caktuar për 17 nëntor.
Sipas Due, këto zhvillime ndodhin në një kontekst të tensioneve të vazhdueshme në Ballkanin Perëndimor, ku narrativat përçarëse të së kaluarës vazhdojnë të ndikojnë.
Due bëri thirrje për bashkëpunim të plotë ndërmjet autoriteteve të Kosovës dhe Serbisë, në mënyrë që ata që janë përgjegjës për sulmet në Banjskë dhe kanalin e Ibër-Lepencit të mbahen përgjegjës.
Ai theksoi se gjatë gjashtë muajve të fundit, tensionet në Kosovë dhe rajon kanë qenë të larta, pavarësisht se zgjedhjet e 7 qershorit në Kosovë ishin paqësore.
Pasiguria politike dhe retorika e nxitur vazhdojnë të jenë shqetësuese, veçanërisht në veri të Kosovës, ku incidentet që lidhen me rrënimet dhe dëbimet kanë ngritur shqetësime për të drejtat pronësore dhe pasojat socio-ekonomike për komunitetet lokale.
Due përmendi gjithashtu çështjen e riintegrimit të gjyqtarëve dhe prokurorëve serbë, si dhe kufizimet ndaj lirisë së shprehjes. “Disa prej këtyre zhvillimeve mund të duken të lokalizuara dhe administrative, por së bashku, përforcojnë perceptimin e pasigurisë dhe trajtimin e pabarabartë të serbëve të Kosovës,” theksoi ai.
Ai mirëpriti zgjedhjen e Justina Shiroka-Pulës si presidente dhe theksoi rëndësinë e ripërtëritjes së dialogut ndërmjet Kosovës dhe Serbisë. “Përkushtimi i vërtetë nga të dyja palët është i domosdoshëm për të arritur progres të dukshëm.
I vlerësoj përpjekjet e vazhdueshme të BE-së.
I inkurajoj t’i zbatojnë marrëveshjet e arritura, të formojnë Asociacionin dhe të ndërmarrin hapat për uljen e tensioneve,” përfundoi ai.
Në fund, Due përmendi çështjen e personave të pagjetur, duke njoftuar se aktualisht 1.577 persona janë ende të pagjetur, dhe se përpjekjet për zgjidhjen e kësaj çështjeje po vazhdojnë.
